Bo tin pregunta òf preokupashon tokante sèn?

Geldfit ta mustrabu e kaminda. Gratis i anónimamente.

E página aki ta skibí spesialmente na Papiamentu. Kisas no tur parti a wordu tradusí.

Kiko Geldfit por ofresébu?

Pregunta òf preokupashon tokante sèn ta masha normal. Nos ta komprondé ku e por ta difísil pa papia tokante problema finansiero. Riba e página aki di Geldfit bo por haña informashon i konseho útil, sin gastu.

E página aki a wordu desaroyá huntu ku Stichting Ocan (Organisashon pa Hulandes Karibense), pasobra nos ta kere ku bo mester por haña informashon, den bo idioma ku ta yuda bo di bèrdat.

Kontaktu ku Ocan

Bo por tuma kontaktu ku e team di Ocan tambe. Nan ta yuda bo, por ehèmpel, ku pregunta tokante sèn, debe, of areglo. Si mester, nan por pone bo den kontakto ku otro persona ku por sigi yuda bo.

Kontaktu ku Ocan

Ocan ta un organisashon nashonal pa Hulandes Karibense. Nan ta duna sosten gratis i independiente den bo idioma (por ehèmpel, Papiamentu, Inglés of Spañó).

Mi mester a bai dilanti di un hues Hulandés. Esaki tabata difísil pa mi, pasobra mi no tabata komprondé tur kos. Un hende di Ocan a yuda mi i el a bai tambe ku mi na e huisio. Esaki a dunami trankilidat i siguridat. Mi ta rekomendá ku tin pregunta pa buska yudansa na Ocan!
— Pedro

Ora ma bin biba na Hulanda, mi tabatin sèn di spar. Pero mi huur i gástunan pa koriente y gas tabata haltu. Además ma hañami ku debe pa motibu di kumpra kos online. Via un amiga mi a yega na Ocan. Poko poko, den 3 aña, mi a sali for di e debe. Awor tur kos ta bon ku mi famia.
— Shainy

Informashon i konseho útil

Ki tipo di yudansa finansiero mi tin derechi riba dje?Buska e areglonan pa haña sèn èkstra i hasi petishon pa nan.

Lesa mas

Kiko bo por hasi si bo tin debe?Wak e solushonnan ku tin i ki yudansa bo por haña.

Lesa mas

Toeslagen/benefisio: kon esaki ta hinká den otro na Hulanda?Wak si bo tin derechi riba toeslagen/benefisio i kon e ta funshoná.

Lesa mas

Tambe útil

GlosarioEksplicashon di término finansiero den Papiamentu.

Mira kiko tin aki

Kontaktu ku Ocan

Stichting Ocan - OcanCare, Den Haag

Bo tin pregunta tokante sèn? Ocan ta pensa huntu ku bo

Luister

Stichting Ocan ta un organisashon ku ta yuda hende di origen Karibense. Nan ta ofresé sosten gratis i independiente, si bo tin pregunta tokante sèn, debe of benefisio i areglo. Si mester, nan por pone bo den kontakto ku un otro persona of instansha pa yuda bo mihó. Tuma kontakto ku e team di Stichting Ocan. Bo por yama of manda un email pa nan na Papiamentu, Spañó, Inglés of Hulandés. Na OcanCare na Den Haag bo por haña yudansa grάtis pa bo preguntanan.

Adres: Parkstraat 32, Unit 2.14, Den Haag
Orario: djaluna te ku djabièrnè, di 1or te 5or.
Posibilidat pa hasi sita: djaluna, djamars i djaweps, di 1or te 4or.

Tambe bo por pidi pa OcanCare yama bo bèk. Yena e formulario di kontakto i nan lo aserka bo mas lihé ku ta posibel.

Wak adres