Bo tin mester di mas sèn pa biba di dje? Aki na Hulanda tin hopi manera pa haña sèn èkstra. Nos ta yama esaki “potjes”. E ta depende di bo situashon personal si bo por hasi uzo di algun di e potjes aki i kuantu sèn bo por haña di nan.
Tin potjes di e gemeente ku bo ta biba aden i tin potjes na nivel nashonal. Potjes di gemeente ta diferente pa kada gemeente na Hulanda. Na nivel nashonal tin toeslagen/ benefisio. Esaki ta pa tur hende ku ta biba na Hulanda i ta meskos pa kada un. Bo por haña sèn di un òf mas potjes si bo kumpli ku e kondishonnan.
Dikon tin potjes
Por pasa ku bo no por biba di e sèn ku bo ta gana òf risibí. Por ehèmpel, si bo ta haña menos sèn ku bo tin mester di dje kada luna. Dor di potjes por ta bo por haña sèn èkstra.
Ku esaki, bo por paga bo kuentanan, kumprá kuminda, òf laga bo yu(nan) bai les di beisbòl òf baile. Si bo por haña sèn di un òf mas di e potjes aki, ta depende di bo situashon personal.
Potjes-check
Bo ta interesá den e potjes aki? Hasi un potjes-check pa haña sa for di kua potjes bo por haña sèn i unda bo por pidi esaki.
Yudansa pa apliká
Bo tin pregunta? Yama òf manda un mensahe via WhatsApp pa Geldfit. Un hende di nos team ta kla pa pensa huntu ku bo pa wak kiko por hasi den bo situashon.
Bo por yama y papia ku nos na Inglés. Tambe bo por manda un mensahe via WhatsApp den bo propio idioma. Nos lo kontestá na Inglés.
Si bo ta preferá pa hasi bo pregunta na Papiamentu, yama òf manda un email pa Ocan. Tambe bo por hasi un sita pa pasa na nan ofisina.
Stichting Ocan - OcanCare, Den Haag
Bo tin pregunta tokante sèn? Ocan ta pensa huntu ku bo
Stichting Ocan ta un organisashon ku ta yuda hende di origen Karibense. Nan ta ofresé sosten gratis i independiente, si bo tin pregunta tokante sèn, debe of benefisio i areglo. Si mester, nan por pone bo den kontakto ku un otro persona of instansha pa yuda bo mihó. Tuma kontakto ku e team di Stichting Ocan. Bo por yama of manda un email pa nan na Papiamentu, Spañó, Inglés of Hulandés. Na OcanCare na Den Haag bo por haña yudansa grάtis pa bo preguntanan.
- Adres: Parkstraat 32, Unit 2.14, Den Haag
- Orario: djaluna te ku djabièrnè, di 1or te 5or.
- Posibilidat pa hasi sita: djaluna, djamars i djaweps, di 1or te 4or.
Tambe bo por pidi pa OcanCare yama bo bèk. Yena e formulario di kontakto i nan lo aserka bo mas lihé ku ta posibel.